Юбілейны для Шчучынскага раёна 2020-ы год пачаўся з прыемных для горада і яго жыхароў падзей. Учарашні дзень – не выключэнне. Ён дабавіў эмацыянальных фарбаў у жыццё маладых гараджан і вяскоўцаў, якія вось-вось справяць наваселлі ў новым 60-кватэрным доме, узведзеным будаўнікамі МПМК-167 на вуліцы Заводскай у райцэнтры. У большасці сваёй гэта мнагадзетныя сем’і – такіх 44, так што сум пяціпавярхоўцы і мікрараёну не пагражае.